Маңғыстауда ііо қызметкерлерінің балалары арасында сурет байқауы өткізілді

Ақтау қаласы Полиция басқармасында 7 мамыр- Отан қорғаушылар күні және 9 мамыр - Жеңіс күні мерекелеріне орай «СОҒЫССЫЗ ӘЛЕМ», «ТЫНЫШТЫҚТЫ САҚТАҢДАР!» тақырыбында балалар арасында сурет салу байқауы өтті.

Бұл байқауға басқарма қызметкерлерінің балалары және балалар үйінен бүлдіршіндер қатысты.

Іс-шараны құттықтау сөзімен Ақтау қаласы Полиция басқармасының басшысы полиция подполковнигі Мадияр Омаров салтанатты түрде ашып беріп, барлық қатысушы балаларға сәттілік тіледі.

Іс-шараны өткізудің негізгі мақсаты - полиция имиджін көтеру және өсіп келе жатқан өскелең ұрпаққа ұлттық рух пен ұлттық патриотизмді жеткізу болып табылады.

Байқаудың нәтижесі бойынша, қатысушылар басқарма бастығының грамоталарымен және сыйлықтарымен марапатталып, үздіктерге «Көркем сурет салғаны үшін», «Байқауға белсене қатысқаны үшін» атты номинациялар табыс етілді.