Жас инспекторлар Маңғыстау облысы Ішкі Істер Департаменті мұражайымен танысты

Жыл сайын 18 мамырда мұражай қызметкерлері өзінің кәсіби мерекесін –«Халықаралық мұражай күнін» атап өтеді. Осы мерекенің қарсаңында Маңғыстау облысы Ішкі Істер Департаментімұражайы өзінің экспонаттарын қуанышпен көрсетіп, есігін айқара ашты.

Бұл күні мұражайға Ғазиз Байтасов атындағы жол қозғалысының жас инспекторлары облыстық слетінің жеңімпаз атағына ие болған № 5 Мұнайлы орта мектебінің оқушылары келді.

Жас инспекторларды есіктің алдынан ІІД Ардагерлер кеңесінің төрағасы Жариев Нағашыбай мен Кадр жұмысы Басқармасы бастығының орынбасары Садақбаев Мұхтар қарсы алды.

Шара ІІБ бірінші басшысы милиция полковнигі Брагин Иванның ескерткішіне тағзым етуден басталды, қонақтарға ІІБасқармасының  құрылу тарихы жайлы айтылды.

Әрі қарай балалар Ішкі Істер Департаментінің мұражайына бет алды, ІІД қызметкерлерінің күшімен жиналған сирек кездесетін құжаттармен, фотосуреттермен және нысандармен танысты.

Мұражайда қазақстандық батыр, «Халық қаһарманы» орденімен қаза тапқаннан соң марапатталған полиция капитаны Байтасов Ғазиз Әбдібекұлына арналған бөлек стенд бар.

Мұнда балаларға Ішкі Істер Органдарының алғашқы милиционерлері, ардагерлері туралы, қызмет борышын өтеу барысында өзгенің өмірін сақтап қалу үшін өз өмірлерін қиған батырлардың ерліктері туралы әңгімеленді.

Сондай-ақ, жас инспекторлар жедел басқару орталығына барып, бүкіл қаланы бейнекамера арқылы қызметкерлердің қалай бақылап отырғанын өз көздерімен көрді.

Бұл ақжолтай жаңалықты біздің басылымға Маңғыстау облысының Ішкі Істер Департаментінің баспасөз қызметі хабаралады.

Суреттерді түсірген Маңғыстау облысының Ішкі Істер Департаментінің баспасөз қызметі