Тәртіп сақшылары шағын футболдан өзара күш сынасты

23-24 наурыз күндері аралығында Ұлыстың ұлы күні - Наурыз мерекесіне орай, Маңғыстау облысы құқық қорғау органдары арасында шағын футболдан «Динамо» спорт кешенінде чемпионат өтті.

Аталған чемпионатқа Маңғыстау облысы Ішкі істер департаменті, Маңғыстау облысы Қылмыстық атқару жүйесі департаменті, Маңғыстау облысы Төтенше жағдайлар департаменті, Маңғыстау облысы Күзет мемлекеттік қызметі басқармасы, Ақтау ҚІІБ, Жаңаөзен ҚІІБ, Маңғыстау АІІб, Мұнайлы АІІб, № 6656 әскер бөлімінің және ардагерлерден құралған командалар қатысты.

Жарыстың нәтижесінде, командалық 1-орынға Ақтау Ішкі істер басқармасы, 2-орынға Маңғыстау облысы Ішкі істер департаменті және 3-орынға Маңғыстау облысы Күзет мемлекеттік басқармасы ие болды.

Номинациялар бойынша «Үздік қорғаушы» атағына - Маңғыстау облысы ІІД ЖҚАЖ-ның қызметкері Уақитов Рафхат, «Үздік шабуылшы» атағына -    Маңғыстау облысы ЖПҚ ЖППР-ның қызметкері Аралбаев Берік және «Үздік қақпашы» атағына - Ақтау ҚІІБ КПб-нің қызметкері Сидулаев Мирас ие болды.       

ІІД Мемлекеттік тіл және ақпарат бөлімі  

Суреттерді түсірген Маңғыстау облысы Ішкі істер департаментінің баспасөз қызметі