Ақтаулық кәсіпкерлер мың түп шыршаны сыйға тартты

Қарт Каспийдің жағасында орналасқан Ақтау қаласын көркейтуге және абаттандыруға жергілікті кәсіпкерлер де мол үлес қосуда. «Құрылысшы-7» компаниясы Ақтауға мың түп шыршаны сыйға тартты.

Күні кеше сол шыршаның біразы «Ақбота» саябағына отырғызылды. «Қала жолдары» мемлекеттік коммуналдық кәсіпорынының жұмысшылары мен кәсіпкерлер бірлесе шырша отырғызды.

Бұл шыршалар Ресейден әкелінген. Мың түп шыршаны сатып алуға 50 млн теңге жұмсалыпты. Шырша – қысы, жазы көгеріп, көрік беріп тұратын әрі төзімді ағаш. Сондықтан да Ақтауға шыршаны молынан отырғызу ұйғарылған.