«Денсаулық» поезы өз жұмысын Тұрыш бекетінен бастады

2017 жылдың 20 сәуірінде ҚР ІІМ ТЖ комитеті «Апаттар медицинасы теміржол госпитальдары» АҚ-ның «Денсаулық» поезы Маңғыстау облысы Тұрыш бекетіне келді.

  ҚР ІІМ ТЖ комитеті «Апаттар медицинасы теміржол госпитальдары» АҚ «Денсаулық» поезы Маңғыстау облысының барлық аумағынан өтеді, сапарын 2017 жылдың 20 сәуірінен бастады.

Медициналық маршрутын Бейнеу ауданы Тұрыш бекетінен бастады.   Келісілген кесте бойынша мамырдың ортасына дейін «Денсаулық» поезы жүріп өтетін теміржол бойындағы 15 елді мекенді  қамтиды.

  «Денсаулық» поезының жұмыс мақсаты – шағын елді мекендерге және алыс аумақтағы ауыл тұрғындарына жоғары сапалы медициналық қызмет көрсету.  

     Пойыздар барлық қажетті диагностикалық аппаратурамен және «Апаттар медицинасының теміржол госпитальдары» АҚ-ның 18-ден астам дәрігерлік мамандық бойынша білім алған жоғары білікті медициналық кадрлармен жабдықталған.

Медициналық пойыздар интернет және телефон жүйесінің бөлінген каналдары бар, республикамыздың және ТМД мемлекеттерінің жетекші ғылыми медициналық орталықтарымен on-line режимінде науқастарға консультация беруге арналған телемедициналық жабдықпен жарақталған.

         Бұл жағымды жаңалықпен Маңғыстау облысының Төтенще жағдайлар Департаментінің баспасөз хатшысы Гүлнәр Ходжабекова бөлісті.