Жол апаты азаяр емес

Өткен күні Жаңаөзеннен Ақтау қаласына шығар жолда жол апаты болды. Lexus 570 маркалы көлігі мен Geely машинасы соқтығысқан. Екі көліктің жүргізушісі де ауыр жарақат алған. Бұл туралы «Қазақстан-Ақтау» телеарнасы хабарлады.

Олар дереу қалалық ауруханаға жеткізілді. Қос көлік те қатты соққының салдарынан қайта қалпына келмейтін жағдайда. Қазір құқық қорғау органдары апаттың мән-жайын анықтауда.

Бұл күні Ақтау қаласындағы 1-ші шағын ауданда да жол апаты тіркелді. Оқиғаға жалғыз жүргізуші кінәлі. Куәгерлердің айтуынша, Lexusтың иесі жол бойындағы жиектасқа шығып кетіп, аударылған.