Көлікті басқаруға құқығы жоқ адам заң бұзды

Жаңаөзен қаласының мамандандырылған әкімшілік сотында азамат Ж-ға қатысты әкімшілік іс қаралды.

Сот отырысында анықталғандай, Ж., көлік құралын басқаруға құқығы жоқ бола тұра автокөлігін Жаңаөзен қаласы, Шаңырақ шағын ауданында орналасқан №54 үй жанындағы тас жолда жүргізіп келе жатып, қарама-қарсы бағытқа шығып, қарсы бағыттан келе жатқан А.-ның «BMW» автокөлігіне соқтығысып, жол көлік оқиғасын жасаған. Нәтижесінде аталған автокөлікке материалдық залал келтiрген.

Сот қаулысымен азамат Ж. Қазақстан Республикасы ӘҚБтК-нің 610-бабы 3-бөлігімен (осы баптың бірінші бөлігінде көзделген, көлік құралын басқару құқығы жоқ адам жасаған әрекеттер) кінәлі деп танылып, оған 20 айлық есептік көрсеткіш мөлшерінде, яғни 42 420 теңге айыппұл жазасы салынды. Қаулы заңды күшіне енді. Бұл туралы Жаңаөзен қаласының мамандандырылған әкімшілік сотының Баспасөз қызметі хабарлады.