Маңғыстау облысының жоғары сынып оқушылары үздік эссе жазудан сайысты

Маңғыстау облыстық Азаматтық Альянсы заңды тұлғалар бірлестігінің ұйымдастыруымен «Сыбайлас жемқорлық және қоғам», «Жемқорлықсыз болашақ» тақырыптарында Маңғыстау облысының жоғары сынып оқушылары арасында үздік эссе байқауы жарияланған болатын.

-Аталмыш байқау – Маңғыстау облыстық ішкі саясат басқармасының мемлекеттік-әлеуметтік тапсырысы бойынша жүзеге асырылған жобаның аясында ұйымдастырылған болатын.

         Жоба аясында жоғары сынып оқушыларының арасында ұйымдастырылған «Үздік эссе» байқауына Маңғыстау облысының барлық мектептерінен 36 жұмыс келіп түсті.

Жұмыстардың қорытындысын шығару бойынша арнайы комиссия  құрылды. Комиссия құрамында Қазақстан Журналистер Одағының мүшесі Есберген Іңірбайұлы, Маңғыстау облыстық оқу-әдістемелік орталығының әдіскерлері Асемхан Тұрақбаева және Үміт Шарипова болды.

Оқушылардың жұмыстары арнайы критерийлер бойынша бағаланды,- дейді Маңғыстау облыстық Азаматтық Альянсы заңды тұлғалар бірлестігінің президенті Жібек Ахметова.

«Үздік Эссе» жеңімпазы  - І - орын иегері болып Мұнайлы ауданы №3 орта мектеп 10 «а» сынып оқушысы Базарбаева Сәнімай Ахметқызы танылса, ІІ - орынға Түпқараған ауданы, «Шахта» орта мектебінің 10 «а» сынып оқушысы Жеңісова Күмісай лайық деп танылып, ІІІ - орынды М.Әбдіхалықов мектеп-гимназиясының  10 «а»  сынып оқушысы Мақсатова Ақнұр иеленді.

Жеңімпаздар дипломдармен және естелік сыйлықтармен марапатталды. Өзге қатысушыларға «Алғыс хаттар» табысталды.