Маңғыстауда КВИ індетіне қатысты тұрақтандыру бағытында медицина мекемелері мамандармен қамтылды

Қоғамдық коммуникациялар орталығының хабарлауынша, «Маңғыстау облыстық денсаулық сақтау басқармасына қарасты медицина мекемелерінде барлығы 8830 медицина қызметкерлері жұмыс жасайды. Оның ішінде, дәрігерлер саны – 1558, орта буынды медицина қызметкерлері – 5883, кіші буынды медицина қызметкері 1389 санын құрайды. «COVID – 19» инфекциясына қарсы іс-шараларға жұмылдырылған медицина қызметкерлер саны 1976 құрайды. Оның ішінде, дәрігерлер саны – 246, орта буынды медицина қызметкерлері – 554, кіші буынды медицина қызметкері - 455, жедел жәрдем қызметкерлер саны – 462».

-«COVID-19» таралуының алдын алу және COVID-19 науқастарын емдеу жөніндегі іс-шаралар шеңберінде өңірге барлығы 47 маман тартылды. М.Оспанов атындағы Батыс Қазақстан медицина университетінен 10 резидентурада, 11 интернатурада оқитын жастар және профессор-оқытушылар құрамынан 5 адам. COVID-19 инфекциясы бойынша туындаған эпидемиологиялық ахуалға байланысты Қазақстан Республикасы Қорғаныс министрінің шешіміне сәйкес азаматтық денсаулық сақтау секторына қолдау көрсету мақсатында, а.ж. 15 - 29 шілде аралығына 12 әскери-медициналық мамандар (5 дәрігер, 7 орта буынды медициналық қызметкерлер) келіп жұмыс жасап жатыр. Ресей Федерациясынан 9 медицина қызметкерлері келді (8 дәрігер, 1 орта буынды медицина қызметкері).

Сонымен қатар, Қазақстан Республикасының медициналық жоғары оқу орындарында мемлекеттік білім беру тапсырысы негізінде оқыған 65 жас маман келеді деп күтілуде,- делінген Қоғамдық коммуникациялар орталығы таратқан ақпаратта

Автор – Нурганым Имашева

Сурет Қоғамдық коммуникациялар орталығынан