Маңғыстау облысында ереже бұзған 129 көлік айып тұрағына жабылды

15 Апреля 2020 (09:00) | 1593 | Автор: Нурганым Имашева

Бұл туралы Маңғыстау облысының қоғамдық коммуникация орталығы хабарлайды.

Covid-19 инфекциясының таралуына жол бермеу мақсатында елімізде жарияланған Төтенше жағдай аясында жүргізілген рейд нәтижесінде 2020 жылдың 16-наурызынан бастап 129 көлік режимді бұзғаны үшін көлік тұрағына орналастырылды.

Облыста карантин басталғаннан бері 224 адам әкімшілік жауапкершілікке тартылып, оның ішінде 41-і қамауға алынды, 31 тұлғаға айыппұл салынған.

Сондай-ақ, шектік уақыттан кейін көшеде себепсіз жүргені үшін 84 адам ҚР әкімшілік құқықбұзушылықКодексімен жауапкершілікке тартылды. Нәтижесінде біреуі қамауға алынып, 23 адамға айыппұл салынды.

Бүгінгі таңда полиция бөлімшесінің барлық қызметкерлері жаяу және жол-патрульдік қызметке жұмылдырылды. Ұлттық гвардия әскерлері тұрғындарға үйде болу қажеттілігі туралы түсіндіру шарасына тартылды. Облыста 8 блоктық және 7 жылжымалы посттар ұйымдастырылды.

Сурет редакция мұрағатынан