Еліміздегі полицейлер мен ғалымдар 85 мың долларға көлік сатып алғалы жатыр

Ақтөбе облыстық Ішкі істер департаменті мен бұрын  Индустрия және жаңа технологиялар министрлігіне қараған "Геофизикалық зерттеулер институты" 85 мың доллардан жоғары бағаға жол талғамайтын көліктер сатып алғалы жатыр.

Полицейлер сатып алғалы жатқан автокөлік 15,6 миллион теңге (85,7 мың доллар) тұрады.

Ақтөбе облысы ІІД-нің лоты 9 қазанда жарияланған. Арыздар 30 қазанға дейін қабылданады. Полицейлерге кіші көлемді, комплектациясы жетілдірілген көлік талап етіледі.

Ал "Геофизикалық зерттеулер институты" ғалымдары 17 миллион теңгеге (93,7 мың доллар) көлік сатып алмақшы. Оларға да комплектациясы жетілдірілген көлік талап етіледі.

Жол талғамайтын көліктен басқа, мемлекеттік сатып алуларда қазақстандық шенеуніктер қымбат көлік сатып алуды жалғастыруда.

Рудный қаласы әкімдігінің "КҮН" мемлекеттік коммуналды кәсіпорны "Е классындағы жоғары комплектациялы жеңіл автокөлік" сатып алуға лот жариялаған.Автокөліктің бағасы 8,5 миллион теңгеден жоғары.

Қазақстанда жол талғамайтын көлікке полицейлер мен ғалымдар ғана қызығушылық білдіріп отырған жоқ. Бұған дейін Алматы облысы құтқарушылары 19 миллион теңгеге автокөлік сатып алғалы жатқаны туралы хабарланған болатын.

"Біз сатып алатын техниканың бәрі апаттан құтқару жұмысын жасауға алынады", - деді бұл туралы Төтенше жағдайлар департаменті өкілі.

Читать полностью:  http://news.nur.kz/335713.html