Мұнайшы селосында «Мектепке жол» қайырымдық акциясы өтті

Қарақия ауданы, Мұнайшы селосы әкімі аппаратының ұйымдастыруымен «Мектепке жол» қайырымдық акциясы аясында Мұнайшы ауылындағы 50-ге жуық мүжәлсіз, ата-ананың қамқорынсыз қалған оқушыларына жалпы құны 1 млн. теңгені құрайтын қаржылай және мектеп құралдарымен демеушілік көмек көрсетілді.

Акцияға Мұнайшы ауылы аумағындағы кен игеруші кәсіпорындар және мердігер мекемелер, жеке кәсіпкерлер атсалысты.

Атап айтсақ «Алтын құрық» ЖШС – 100 000 теңге, «АЛМО» ЖШС – 100 000 теңге, «Ақмарал» ЖШС – 300 000 теңге, «Альянс LTD» ЖШС – 100 000 теңге, «НұрберСтрой» ЖШС – 200 000 теңгемен, «Oil Services Company» ЖШС – 200 000 теңгемен демеушілік көмек жасап, ауыл оқушыларына сыйлық жасады.

Аталған қайырылымдық акциясы аясында 3-қыркүйек күні Мұнайшы селосындағы №7 орта мектепте ауыл әкімі С.Төретаев, №7 орта мектеп директорының міндетін атқарушы Б.Шаукенова, «НұрберСтрой» ЖШС директоры Н.Құлшықовтың қатысуымен 5 оқушыға мектеп құралдарын алу үшін қаржылай көмек және білім ордасына құны 1 млн. 700 мың теңгені құрайтын спорттық жабдықтар тапсырылды.

Сонымен қатар аталған мектептің 8 сынып оқушысы, ел ордасы – Астана қаласында өткен республикалық «Шешендік өнер» сайысынан жүлделі бірінші орынды иеленген Базарбай Нұрдәулетке толық жабдықтарымен компьютер сыйға берілді.