1 қыркүйектен бастап Әлеуметтік кодекс жобасы аясында Отбасының цифрлық картасы пилоттық режимде іске қосылады.
Отбасының цифрлық картасы – бұл әртүрлі мемлекеттік органдардан алынған мәліметтерді жинақтайтын, азаматтардың әлеуметтік әл-ауқатының деңгейін айқындауға және оларға проактивті форматта кепілдік берілген мемлекеттік қолдау көрсетуге мүмкіндік беретін ақпараттық жүйе.
Еңбек және халықты әлеуметтік қорғау министрлігінің ақпаратынша, цифрлық картада 6 млн отбасына бөлінген 19,4 млн азамат туралы деректер жинақталған.
Отбасылардың әл-ауқаты 5 критерий бойынша айқындалады:
Отбасының цифрлық картасының жұмыс істеу алгоритмі былай: мемлекеттік қолдау шараларын алуға құқық белгіленген кезде, әлеуетті алушыға мемлекеттік қызмет көрсетуге келісім алу үшін СМС-хабарлама жіберіледі. Келісім алғаннан кейін әлеуметтік жәрдемақы, төлем немесе мемлекеттік қолдаудың өзге де түрі тағайындалып, ақша көмек алушының банк шотына аударылады.
Жобаны іске асыру кезеңдері:
Отбасының цифрлық картасын пилоттық режимде іске қосуға дайындық барысында еңбек министрлігі желісі бойынша мемлекеттік қызметтерге мұқтаж азаматтар анықталды. Ал 1 қыркүйектен бастап оларға проактивті қызмет көрсету үшін СМС-хабарлама жіберіледі.