Аз қамтылған отбасыларға әлеуметтік қолдау көрсетілетін болады

Маңғыстау облысында көп балалы, аз қамтылған отбасыларға және халықтың әлеуметтік осал топтарына кешенді қызмет көрсету үшін «Бірыңғай әлеуметтік терезе» құру жобасы қолған алынады

-Жәрдемақы алуға, жұмысқа орналасуға қолдау көрсету, тұрғын үй және тұрғын үй төлемдерін алуға жәрдемдесу, психологиялық көмек көрсету, заңгерлік кеңес беру, бизнес-бастамаларды сүйемелдеу үшін «Атамекен» өңірлік Кәсіпкерлер Палатасы базасында «Бірыңғай әлеуметтік терезе» орталығын құру мәселесі қарастырылуда.

Орталық жұмысы үшін жұмыспен қамтуды үйлестіру және әлеуметтік бағдарламалар, құрылыс, денсаулық сақтау, білім басқармаларының өкілдері, сондай-ақ «Атамекен» кәсіпкерлерге қызмет көрсету орталығының, микроқаржы ұйымының, аграрлық несие корпорациясының, «Даму» фондының кеңесшілері және басқа да мамандар тартылатын болады-деді облыс әкімі Е.Тоғжанов кешегі халыққа есеп беру кездесуінде.

Бұл туралы біздің басылымға Маңғыстау облысы Өңірлік Коммуникациялар Қызметі хабарлады.

Суреттерді түсірген Маңғыстау облысы Өңірлік Коммуникациялар Қызметі