Маңғыстаулық тәртіп сақшылары 4 заңсыз букмекер кеңсесін анықтады

-Маңғыстау облыстық Полиция департаментінің ҰҚКБ-ның қызметкерлері 2019 жылдың 11-13 қаңтар аралығында жедел-рейдтік іс-шараларды өткізді. Шара барысында рұқсаты жоқ және салық органдарында тіркелмеген 4 ойын мекемесі анықталды.

Осы деректер бойынша Қазақстан Республикасының Қылмыстық кодексінің 307-бабына (заңсыз ойын бизнесін ұйымдастыру) сәйкес 4 қылмыстық іс қозғалды, -деп хабарлайды Полиция Департаментінің баспасөз қызметі.

Рейдтік шара барысында 1) Маңғыстау облысы, Түпқараған ауданы, Ақшұқыр ауылы «Дунай» сауда орталығынан, 2) Ақтау қаласы, 5 ш/а, «Свежак» сыра бары ғимаратынан, 3) Ақтау қаласы 6 ш/а, «Дом быта» сауда орталығының «Бинго» букмекерлік кеңсесінен, 4) Ақтау қаласы, 7 ш/а, 25 үй жанында орналасқан «Профит» букмекерлік кеңсесінен төмендегідей заттар табылып, тәркіленді:

* 657 700 теңге көлемінде ақшалай қаражат;

* 4 дана монитор;

* 16 дана теледидар;

* 2 дана бейнетіркегіш;

* 2 дана кассалық аппарат;

* 37 дана процессор;

* 4 дана моноблок;

* 4 дана жүйелі блок;

* 4 дана чек аппараты;

* 3 дана роутер;

* 1 дана чек аппараттың сканері;

* 4 дана ойналған қағаз чектері.

-Осы қылмыстық істердің барлығы Қазақстан Республикасының Қылмыстық-процессуалдық кодексінің 186-бабына сәйкес Маңғыстау облысы Мемлекеттік Кірістер Департаментіне тиісті шешім қабылдау үшін жолданды,-деп хабарлайды осы ақпаратты жолдаған Маңғыстау облысының Полиция Департаментінің баспасөз қызметі.

Суреттерді түсірген Полиция Департаментінің баспасөз қызметі