Кендірлі аумағында орналасқан жағажайлар мен демалыс орындарының суға түсу маусына дайындығы қаралды

Ағымдағы жылдың 05 маусымында Қарақия ауданы әкімінің 29.05.2019 жылғы №75 өкімі негізінде, суға түсу маусымының басталуына орай Қарақия ауданының мемлекеттік мекемелерінен (Аудан әкімдігі, Жер қатынастары,сәулет және қала құрылыстары бөлімі, Санитарлы-эпидемиялық қызметі, Полиция бөлімі, Кәсіпкерлік бөлімі, Құрық ауыл әкімдігі,Кендірлі жедел құтқару жасағы, Төтенше жағдайлар бөлімі, Манғыстау облысының жол-көліктік бақылау инспекциясы) құрылған жұмысшы тобы Кендірлі аумағында орналасқан демалыс орындары мен жағажайлардың судағы қауіпсіздік ережелерінің сақталуына және демалыс базаларының дайындығына талдау, түгендеу жұмыстарына байқау жүргізілді.

Байқау барысында ҚР ІІМ 19.01.2015 жылғы №34 бұйрығы *Су айдындарындағы қауіпсіздік қағидалары* бойынша қауіпсіздік ережелері, су айдындарында ұстау талаптары түсіндірілді. Сонымен қатар басшы және жауапты тұлғаларымен қызметкерлеріне методикалық көмек көрсетілді.

Суға шомылу кезінде басты ережелерді сақтау бойынша жадынамалар таратылып, көрнекі жерлерге ілінді.

Фото автордан