Мұнайлы ауданының атбегілері жастарды ат спортына баулуда

Ахат Жұмажанов – мұнайлылық атбегілердің бірі. Ол жастайынан атбегілікпен айналысады. Бүгінде мұнайлылық жастарды да осы өнерге баулып, шабандоздарды шығарып жүр. Оның шәкірттерінің алды 10 жаста болса да, бәйгеге қатысып, топ жарып жүр.

-Бұл біздің ата дәстүріміз. Осы дәстүріміз бен ұлттық спортымызды ұштастырып, жастарға үйретейік деген ниетпен осындай топ құрдық. Мұнда шеберлік сағатын өткіземіз. Балаларға атбегіліктен бөлек, адамгершілік, бауырмалдық деген сынды адами қасиеттерді де үйреткіміз келеді. Жиырмаға жуық жас бар. Осының барлығы менің шәкірттерім. Қазірдің өзінде бәйгенің алдын бермейді, - деді атбегі Ахат Жұмажанов.

Мұнайлылық балалар арасында спорттың бұл түріне қызығушылар да көп. Солардың бірі 10 жастағы Мейіржан Жеңісбекұлы. Ол «Қызылтөбе-2» ауылындағы №6 орта мектептің оқушысы. Осыдан 2 жыл бұрын Мейіржанның әкесі ұлын атбегі Ахаттың сабағына қосқан. Бүгінде Мейіржан жылқының жалын тартып мінер, кәсіби шабандозға айналған.

Мұнайлы ауданы әкімдігінің баспасөз қызметіg