Жас шекарашы төсбелгімен марапатталды

5 Сентября 2021 (14:15) | 1848 | Автор: Редакция

Бүгінде бүкіл ел бойынша Шекарашылардың «Жас шекарашы» әскери-патриоттық үйірмесінің жас достары Қазақстан Республикасының Мемлекеттік шекарасын күзету ісіне қолдан келгенше үлес қосуға тырысуда. Болашақ шекарашылар шекара нарядтары қызметіне қатысып қана қоймай, шекара бұзушыларды ұстауға да көмек көрсетеді.

Ақтау қаласының №6 орта мектебінің 3 сынып оқушысы Ұлан Төлеухан үшін Білім күні ерекше салтанатты болды. ҚР ҰҚК Төрағасының орынбасары - Шекара қызметінің Директоры генерал-лейтенант Дархан Ділманов оны «Шекара қызметінің үздігі» төсбелгісімен марапаттады.

Ұлан ҚР ҰҚК Шекара қызметі Маңғыстау облысы бойынша Департаментінің тыныс-тіршілігіне белсенді қатысумен ерекшеленді және Департамент ұйымдастырған патриоттық конкурстарға үнемі қатысады. Орта мектеп оқушылары арасында әскери қызметтің оң жақтарын, әсіресе шекарашылар қызметін белсенді насихаттауымен ерекшеленген.

Жас патриотты лайықты марапатымен құттықтаймыз және болашақта ол шекара офицерлерінің қатарын толықтырады деп үміттенеміз!

ҰҚК баспасөз қызметі