Маңғыстау облысында ″Аулада қабылдау″, ″Жолда қабылдау″ республикалық акциясы өтті

19 Января 2020 (17:28) | 1159 | Автор: Нурганым Имашева

Ағымдағы жылдың 17-18 қаңтарында Маңғыстау облысы ПД бастығы және Әкімшілік полиция басқармасы мен Ақтау қаласы Полиция басқармасы бастығының бірінші орынбасары, Ақтау қаласының учаскелік полиция инспекторлары, құзырлы орган өкілдерінің қатысумен қала аумағының тұрғындарымен "Аулада қабылдау", "Жолда қабылдау" акциясы өтті.

Шара барысында қызметкерлер тұрғындардың арыз-шағымдарын, ұсыныстарын тыңдап, шешу жолдары қарастырылып, заңнамалық кеңестер берілді. Тұрғындардың басым көпшілігі көліктерді тіркеу, заңдастыру және аулада бейнекамера орнату жолдары, көліктерді дұрыс тұраққа орналастыру заңдылығы, балалар қауіпсіздігін қамтамасыз етудегі мәселелер, жаяу жүргіншіге арналған жүргіншілер жолын салу жөнінде инспекторлармен сұрақ-жауап алмасты.

Сондай-ақ халықпен тығыз байланыс орнату үшін фронд-офистерде азаматтарды қабылдап, сұрақтарға жауап берілді. Департаменттің байланыс телефондары мен тікелей онлайн желілері Facebook және Instagram, WhatsApp арқылы да байланыс жүргізіліп, қазіргі таңда халықтан түскен барлық сұрақтар мен арыз шағымдарға жауаптар жолданып жатыр.

Департамент басшылығына халық игілігі үшін атқарылып жатқан қызметтеріне алғыс білдірушілердің де саны аз емес,-деп хабарлайды Маңғыстау облысы ПД баспасөз қызметі.

Суреттерді түсірген баспасөз қызметі