Маңғыстау облысында білім саласындағы жемқорлықты жоюға арналған мобильді қосымша іске қосылды

«Білім саласында сыбайлас жемқорлыққа жол жоқ». Пара беру арқылы емтиханнан баға алуды тоқтатпайынша кәсіби маман даярлап, елдің дамуы туралы айтудың өзі әбестік.

Сондықтан ҚР Мемлекеттік қызмет істері және сыбайлас жемқорлыққа қарсы іс-қимыл агенттігі мектептер мен университеттерде жемқорлықтың алдын алу жұмыстарына ерекше мән береді.

Маңғыстау облысында білім саласындағы жемқорлықты бақылап, мониторинг жүргізу мақсатында арнайы мобильді қосымша іске қосылды.

Ел аумағында алғаш рет «DEREK» деген атпен көпшілікке таныстырылған жобаны ата-аналар мен ұстаздар да қолдап отыр.

-Мобильді қосымшаның арқасында азаматтардың өтініштерін қарау мерзімі қысқарады және сыбайлас жемқорлық көріністерін тікелей жолдауға болады. Тек арыз-шағым ғана емес, білім саласына қатысты кез-келген ұсынысыңызды жібере аласыз,-делінген ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Маңғыстау облысы бойынша Департаментінің баспасөз қызметінен жолданған ақпаратта.

Суреттерді ұсынған Департаменттің баспасөз қызметі