Форт-Шевченко қаласындағы полигон жаңа орынға көшірілді

Түпқараған ауданының орталығы Форт-Шевченко қаласындағы қатты қалдықтарды сақтайтын орын(полигон) жаңа жерге көшірілді, - деп хабарлайды Қоғамдық коммуникация орталығы аудан әкімдігінің баспасөз қызметіне сілтеме жасап.

Бұған дейін аудан әкімінің халықпен кездесуінде тұрғындар тарапынан полигонды көшіру мәселесі бірнеше мәрте көтеріліп жүрген болатын.

Бүгінгі таңда ескі полигонға тұрмыстық қатты қалдықтарды төгу тоқтатылып, қоқыстар жаңа полигонға жеткізілуде.

Жаңа полигон Форт-Шевченко қаласының солтүстік бағытында шамамен 4,5 км қашықтықта орналасқан. Айта кетейік, ескі полигонға рекультивация жұмыстары жүргізілуде.