Маңғыстауда ҚАЖД ГМ-172/10 мекемесінде сотталғандарға онлайн режимінде құқықтық көмек көрсету ұйымдастырылды

ГМ-172/10 мекемесінің арнайы контингент арасында тәрбие және әлеуметтік-психологиялық жұмысы бойынша бөлімінің бастығы әділет майоры Г.Вебердің мәлімдеуінше, «Коронавирустық инфекцияға (COVID-19) байланысты карантиннің енгізілуіне  орай Маңғыстау облысы бойынша қоғамдық бақылау комиссиясының өкілеттігі уақытша тоқтатылды, алайда 15.05.2020 жылы Маңғыстау облысы бойынша ҚАЖД ГМ-172/10 мекемесінде оқшауланған учаскедегі сотталғандар мен шаруашылық қызмет көрсету жұмыстарға қалдырылған сотталғандар үшін Маңғыстау облысы бойынша қоғамдық бақылау комиссиясының өкілдері А.Муха және Р.Абқадыровпен онлайн режимінде кездесу өткізілді».

-Бейнебайланыс өткізу барысында сотталғандардың тарапынан қозғалған негізгі мәселелерінің бірі Ұлы Отан соғысындағы Жеңістің 75 жылдығына орай рақымшылық жариялау туралы жобаны қарау, қылмыстық істер бойынша кеңестер, азаматтық мәселелері бойынша арыз беру тәртібі және заңнамалық актілерге жоспарланған өзгерістер мен толықтырулар бойынша сұрақтар қарастырылды.

Соңында сотталғандар құқық қорғаушыларға және мекеме әкімшілігіне өздерін қызықтыратын сұрақтарға жауап алуға мүмкіндік бергені үшін алғыстарын білдірді,-дейді бөлім бастығы әділет майоры Галина Вебер.

Суреттер автордыкі