Маңғыстаудың шалғай ауылдарындағы балалардың 4-ші тоқсанда толыққанды білім алуына мүмкіндік жасалады

Бұл туралы қоғамдық коммуникация орталығында өткен брифингте Маңғыстау облысы білім басқармасының басшысы Асқар Сейдалиев мәлімдеді.

-Маңғыстау ауданы, Бекі ауылының оқушыларына тапсырманы «Қазпошта» қызметкерлері жеткізіп отырады. Кейін оқушылар да мұғалімдеріне тапсырмаларды осы қызмет түрімен жібереді.

Ал Аққұдық мектебіндегі сабақ оқушылар мен ұстаздар санының аздығы ескеріле отырып (мұғалім – 14, оқушы - 23), дәстүрлі тәртіпте жүргізіле бермекші. Сәйкесінше, мектепте тиісті дезинфекциялық, тазалау, желдету шаралары уақытылы өтеді,-деді Маңғыстау облысы білім басқармасының басшысы Асқар Сейдалиев.

Сурет пен видео қоғамдық коммуникация орталығынан