Ақтауда жаңа Экологиялық кодекс туралы қоғамдық талқылау өтті
Курс валют в Актау
на 29/03/2024
 
424.86
428.61
 
514.3
519.05
 
5.83
6.01
Номер редакции: +7 775 350 54 52
Новостной отдел: +7 777 259 44 50
Рекламный отдел: +7 778 399 22 62
reklama@tumba.kz
ПОДАТЬ ОБЪЯВЛЕНИЕ
Пятница,
29 Марта, 14:34
Вход |Регистрация
Главное » Тыныс

Ақтауда жаңа Экологиялық кодекс туралы қоғамдық талқылау өтті

4 Октября 2019 (11:24) | 2678 | Автор: Нурганым Имашева

Маңғыстау облысы экология департаментінің баспасөз қызметінің хабарлауынша, Ақтау шаһарына Қазақстан Республикасы экология, геология және табиғи ресурстар министрлігі Экологиялық реттеу және бақылау комитетінің төрағасы Зұлфұхар Жолдасов жұмыс сапарымен келді.

 

 

Ұшақтан түсе салысымен Зұлфұхар Сансызбайұлы алдымен жергілікті атқарушы органдардың өкілдерімен Қошқар ата қоймасына барып, улы көлді залалсыздандыру бойынша қолға алынған жұмыстармен танысты. Мұнда 105 тонна уытты қалдықтар көмілген, сонымен қатар 52 тонна радиоактивті қалдықтар тағы бар.

 

 

Айта кету керек, Қошқар ата қоймасында жинақталған улы қалдықтар 2015 жылдан бері соттың шешімімен мемлекет меншігіне өткен болатын. Бүгінде улы көлді залалсыздандыру үшін 17,5 млрд теңге қаражат қажет.

 

 

Бұдан соң қоғам өкілдерімен кездесу өткізілді. Онда жаңадан енгізілетін Қазақстан Республикасының Экологиялық кодексінің жобасы туралы айтылды. Жаңа Кодекстің негізгі басым бағыттарының бірі болып – «ластаушы төлейді» атты халықаралық экологиялық қағидасы жүзеге асырылмақ. Бұл дегеніміз, қоршаған ортаға өзінің зиянын келтіретін кәсіпорын экологиялық шығынды қайта ретке келтіру бойынша шығындарды толықтай өз мойнына алатын болады деген сөз.

 

 

Экологиялық кодекстегі жаңа жобаның редакциясы мемлекеттік реттеу және қоршаған ортаны қорғау саласындағы жүйенің ашықтығы мен тиімділігін көрсетпек, сонымен қатар Қазақстан Республикасының халықаралық міндеттемелері нормаларын үйлестіруге бағытталған.

 

 

Комитет төрағасы Зұлфұхар Жолдасов шараға қатысушылардың сұрақтарына тұшымды жауаптар қайтарып, Экологиялық кодекстегі жаңа жобаға қатысты айтылған барлық ұсыныстар мен пікірлер Министрлікпен және сарапшылармен міндетті түрде ескеріледі деп сендірді.

 

 

Еске сала кетейік, Экологиялық кодекстің жаңа жобасы парламенттің қаралуына 2019 жылдың соңында жолданады деп жоспарланған. Қазіргі уақытта құжаттың жобасы қоғамдық талқылау кезеңінен өтуде.

 

 

Шараға Маңғыстау облысы әкімінің бірінші орынбасары Әлихан Қыраубаев, облыстық табиғи ресурстар және табиғат пайдалануды реттеу басқармасының басшысы Дүйсен Құсбеков, өңірлік экология департаментінің қызметкерлері, мұнай және газ компаниялары, үкіметтік емес ұйымдары, қоғамдық ұйымдар, бұқаралық ақпарат құралдары, шикізат өндірушілер және басқа да мүдделі мемлекеттік органдарының өкілдері қатысты.

 

 

Сондай-ақ, басқосуда Зұлфұхар Сансызбайұлы Маңғыстау облысы экология департаментінің басшысы болып тағайындалған Руслан Төкеновты таныстырды. Бұған дейін Руслан Кәрімұлы аталмыш департаменттің басшысының міндетін атқарушы болып келді. Өз сөзінде комитет төрағасы жаңа басшыға қызметінде жоғары нәтижеге қол жеткізуіне тілектестік танытып, алда тұрған міндеттерді абыроймен орындай алатынына сенім білдірді.

 

 

 

Суреттерді түсірген Маңғыстау облысы экология департаментінің баспасөз қызметі

Подписывайтесь на наш Telegram канал -
будьте в курсе всех новостей
Присылайте свои новости на WhatsApp
+7 777 259 44 50
Нашли ошибку? Выделите и нажмите Ctrl+Enter
КОММЕНТАРИИ:
нет комментариев
ДОБАВИТЬ КОММЕНТАРИЙ
Комментарии могут оставлять только зарегистрированные пользователи.
Зарегистрируйтесь или войдите в систему