ТІЛ МӘРТЕБЕСІ – ЕЛ МЕРЕЙІ

Ата Заңымызда «Қазақстан Республикасының мемлекеттік тілі – қазақ тілі», - деп жазылған. Ал орыс тілін – ресми тіл және мемлекеттік тілмен бірге бірдей қолданылады, деп айтылған. Сондықтан біз Конституция талаптарын мүлтіксіз орындауға міндеттіміз.

Тіл – тек қарым – қатынас құралы емес, ұлтымыздың биік тұғыры. Бұл ретте біздің мемлекетіміздің тілге деген жанашырлығы басым. Елбасы жыл сайын халыққа Жолдауында да басым бағыттарының бірі – мемлекеттік тілді жан – жақты дамытуды басты назарда ұстап келеді. Жалпы, жылдан жылға қоғамда, мемлекеттік қолдау жоғары салаларда қазақ тілінің қолданыс аясы едәуір кеңейіп келе жатыр.

«Ұлттың тілі – ұлттың ділі» демекші, қандай ұлт пен ұлыс болмасын, ең басты байлығы – ана тілі. Тілін жоғалтқан халықтың жеке мемлекет болып, басқа елдермен терезесі тең дәрежеде тұра алмайтындығы тарихтан белгілі. Сондықтан сан ғасырлар бойы арман болған Тәуелсіздігімізге қол жеткізіп, егеменді ел болып жатқан сындарлы кезеңде мемлекетіміздің нышаны ана тілімізді тіршілігіміздің түп қазығына айналдыру – әрбір ұлтжанды азаматтың басым міндеті. Тіл – ұлттың аса игілікті, әрі оның өзіне тән ажырағысыз белгісі. Тілдің тағдыры – баршамыздың қолымызда.

К.Акеров

Мұнайлы аудандық сотының судьясы

Суреттер tilalemi.kz, adebiportal.kz сайттарынан алынды