Маңғыстаулық тәртіп сақшылары ″Халықаралық отбасы күні″ мерекесін атап өтті

Маңғыстау облысы Полиция департаменті отбасылық институтын дамытып, өскелең ұрпақты рухани-адамгершілікке тәрбиелеуде және қазақстандық отбасының оң имиджін насихаттау аясында "Халықаралық отбасы күні" мерекесін атап өтті. Атаулы мерекеге орай полиция қызметкерлерінің отбасылары арасында түрлі спорттық жарыстар ұйымдастырылды.

Атап айтқанда, "Көңілді старттар" жарысы 3 этаптан тұрды: аналар арасында қол күресі, әкелер арасында гір тасын көтеру, отбасылық арқан тарту. Нәтижесінде жалпыкомандалық есепте 1 орынға - Джамаловтар отбасы, 2 орынға - Амирбековтер жанұясы, 3 орынға - Исмайловтар отбасы ие болды.

Аналар арасында қолкүресі жарысынан 1 орынды иеленген Мұнайлы ауданы Полиция бөлімінің қызметкері Оразбаева Мақпал болса , 2-орынды Амангельдиева Гүлбану жеңіп алды, 3 орын - Дегениязова Шолпанға бұйырды.

Отбасылық командалар арасында өткен "Көңілді старттар" эстафеталық жарысында 1-орынды Дегениязовтар, 2-орынды Амирбековтер, 3-орынды Еділовтер отбасы жеңіп алды.

Әкелер арасында гір тасын көтеру сайысында 1-орын иесі - Амирбеков Руслан болса, 2 орыннан Джамалов Кемал көрінді, 3 орынға Дегениязов Нұркен тұрақтады.

Барлық жеңімпаздарды Департамент бастығы Таймерденов Қанат Даниярұлы құттықтап, дипломдар және бағалы сыйлықтармен марапаттады. Марапаттау рәсімінен кейін барлық жарыцстарға қатысушылар дастарқан басына жайғасты. Шара жоғары деңгейде өтті.

Суреттерді түсірген Полиция департаментінің баспасөз қызметі