Қайғылы оқиғалардың алдын алуға бағытталған шара өтті

Ақтау қаласы Төтенше жағдайлар басқармасының ұйымдастыруымен су айдындарында қайғылы оқиғалардың алдын алу және болдырмау мақсатында, ағымдағы жылдың сәуір айының 9 жұлдызында, теңіз жағалауында басқарма қызметкерлері балық аулаушылар және демалушылармен үгіт-насихат жұмыстарын жүргізді.

Ақтау қаласының ТЖ Басқармасының инженері азаматтық қорғау аға сержанты А. Абиловтың мәлімдеуінше, «Адамдардың қаза болуының себебі - балық аулау кезінде сақтық шараларын ескермей, қауіпсіздік қағидасын сақтамауы және балалардың байқаусызда суға құлауы (арықтар және суғару арналары), олардың су айдындарына жақын болуы, үлкендердің балаларды қараусыз қалдыруы болып табылады».

Үгіт-насихат жүргізу шарасы барысында қызметкерлермен балық аулау кезіндегі қауіпсіздік қағидаларын сақтау және балаларды қараусыз қалдырмау жөніндегі түсіндірме жұмыстары жүргізілді.

ҚР ІІМ Төтенше жағдайлар комитетінің ақпаратына сай, республика аумағында ағымдағы жылдың 1 қаңтарынан 25 наурызға дейінгі аралығында су айдындарында 10 адам қаза тапты, олардың 4 бала (2018 жылы осындай уақытта 7 адам суға кетті,оның 5-уі бала).

Қаза болған адамдардың көбі Түркістан облысында -3 адам, оның 2-уі бала, Алматы және Қызылорда облыстарының әрқайсында 2 –адамнан суға батып кеткен.

А.Хаджимурадов

ТЖБ инженері лауазымындағы тағылымгер

азаматтық қорғау қатардағы

Суреттерді түсірген Ақтау қаласы Төтенше жағдайлар басқармасы