Ақтауда табиғатты қорғау полициясының қызметкерлері 2,5 тоннаны құрайтын сексеуілді тәркіледі

Маңғыстау облысы Полиция Департаментінің Баспасөз қызметінің мәлімдеуінше, 12.02.2019 жылы жедел-іздестіру шаралары кезінде Полиция Департаментінің (ПД) Жергілікті Полиция Қызметі Табиғатты қорғау полициясының қызметкерлерімен Ақтау қаласының кафелерінің бірінде жалпы салмағы 2,5 тоннаны құрайтын сексеуіл тәркіленді. Аталған дерек Ақтау қаласы Полиция Басқармасының СДТБТ-не ҚР Қылмыстық Кодексінің 339-бабымен тіркелді.

-Дәл осындай дерек 2017 жылы тіркелген. Жедел-профилактикалық шара барысында қала ресторанының бірінде 5 тонна сексеуіл тәркіленді. Дерек бойынша ҚР ҚК-нің 339-бабына сәйкес қылмыстық іс тіркелді. Материал сотқа жолданды.

Сексеуіл өсімдіктің сирек түріне жатады. 4 жыл бұрын Қазақстанның мемлекеттік орман қорының аймағында сексеуілді шабуға мораторий жарияланған және тағы 5 жылға ұзартылды. Құжат елдегі құрғақ жерлердің ағаш түрлерін өсіру және қайта жандандыруға мүмкіндік берді,- деп хабарлайды Маңғыстау облысы Полиция Департаментінің Баспасөз қызметі.

Суреттер mangistaumedia.kz, inform.kz, qamshy,kz сайттарынан алынды