Қарақия ауданының Төтенше жағдайлар бөлімі тұрғындар арасында сақтандыру шарасын жүргізуде

Ағымдағы жылдың 09 ақпанында қайғылы оқиғалардың алдын алу мақсатында Қарақия ауданы Төтенше жағдайлар бөлім қызметкерлері, №2, №11 Өрт сөндіру бөлімі, Жедел құтқару жасағының толықтай жеке құрамымен және «КазТрансГазАймақ»АҚ, Жергілікті полиция, аудан әкімдігімен қоса ауыл әкімдігінің қызметкерлерімен бірлесіп, күшейтілген түрде бұқаралық ақпарат құралдарын тарта отырып, Құрық, Жетібай, Мұнайшы ауылдарының тұрғындарына жылыту маусымындағы қауіпсіздік тақырыбында үгіт-насихат жұмыстарын жүргізді.

Бұл туралы біздің басылымға Қарақия ауданы Төтенше жағдайлар бөлімі хабарлады.

Іс-шара барысында тұрмыс жағдайы нашар отбасыларға аса назар аударылды.

Жанып жатқан пеш, қосулы тұрған электр жылытқышы, газ плитасында ұмытылып қалған тамақ – өрттің шығуына бірден-бір себепкер. Осының бәрін ескере отырып Қарақия ауданы Төтенше жағдайлар бөлімі рейдтік іс-шара өткізіп, өрт қауіпсіздік ережелерін сақтау жөнінде, қысқаша түсінік беріп, күнделікті тұрмыстағы ескере бермейтін жайларға мұқият болуды ескертті.

Суреттерді түсірген Қарақия ауданының Төтенше жағдайлар бөлімі