Қылмыс пен жаза

         Ақтау қаласы прокуратурасының бөлім прокуроры Шыңғыс Балтабаевтың мәлімдеуінше, «Мемлекетіміздің Заңдары, оның барлық азаматтарына ортақ. Оның мүлтіксіз орындалуы барлығымызға міндетті және азаматтық борышымыз.

         Қылмыстың қай-қай түрінің де астары терең, оның ішінде зорлық-зомбылыққа қатысты қылмыстық істер елімізде аз емес.

Өркениеттілікке бағытталған ұлтымыздың мүддесі үшін, жалпы қоғамымызға қауіпті құбылыс екендігі о бастан белгілі.

         Жуырда азамат «М» Ақтау қаласында жәбірленуші «С»-ны зорлау  ниетімен өзінің пәтеріне алдау жолымен шақырып алған. Азамат «М» өзінің ойлаған іс-әрекетін соңына дейін жеткізу мақсатында, жәбірленуші «С»-ны еркінен тыс зорлаған».

         -Аталған оқиға бойынша, азамат «М» қамауға алынып, қылмыстық іс сотқа жолданды.

Ақтау қалалық сотының 24.02.2016 жылғы үкімімен, ҚР-сы ҚК-нің 120 бабының 1 бөлімінде көрсетілген қылмыстық құқық бұзушылық әрекеті үшін кінәлі деп танылып, осы бап бойынша оған 3 жыл мерзімге бас бостандығынан айыру жазасы тағайындалып, жазасын түзеу колониясының жалпы режимінде өтеуге белгіленді, - дейді бөлім прокуроры Шыңғыс Балтабаев .