Ақтаудың 7000-ға жуық әскери қызметшілері өз дауыстарын берді

Ақтау гарнизонындағы әскери бөлімдердің әскери қызметшілері Қазақстан Республикасының Президентінің кезектен тыс сайлауында өз таңдауын жасап, дауыстарын берді. 

«Батыс» өңірлік қолбасшылығына қарасты 390-ші теңіз жаяу бригадасында орналасқан № 61 жабық сайлау учаскесі ашылуы Мемлекеттік Әнұраннан басталды. Сап түзеген сарбаздар әскери бөлімнің мәдени демалыс орталығындағы сайлау учаскесінде еліміздің жарқын болашағы үшін өз дауыстарын жасады.

Қатысушылардың басым бөлігі алғаш рет дауыс беріп жатыр, соның бірі,  бір ай бұрын әскерге Атырау облысынан шақырылған Исатай Қойшыбай 

«Бүгін біз сарбаздар үшін ерекше күн. Себебі, Қазақстан Республикасының азаматы ретінде алғаш дауыс беру құқығымды пайдаланып отырмын, сайлау жоғары деңгейде өтіп жатыр" – деді қатардағы жауынгер Исатай Қойшыбай.

«Өз Отанымның нағыз патриоты ретінде мемлекетіміздің жарқын болашағы үшін, әр сарбаз өзіміздің таңдауымызды жасадық» - деді қатардағы жауынгер Дінмұхамед Әзберген

Айта кетейік, Ақтау гарнизонында орналасқан Әскери теңіз күштері, Әуе шабуылына қарсы қорғаныс бригадасы және Әуе қорғанысы күштерінің сарбаздары № 61 жабық сайлау учаскесінде өз дауыстарын берді.