Маңғыстау облысы бойынша департаментінің қызметкерлері Жамбыл облысындағы әріптестеріне жауап қайтарды

16 маусымда БҮКІЛ ДҮНИЕЖҮЗІЛІК ДОНОРЛАР КҮНІНЕ орай Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Маңғыстау облысы бойынша департаментінің 70 қызметкері, сонымен бірге жергілікті атқарушы және аумақтық мемлекеттік органдардың мемлекеттік қызметшілері Жамбыл облысындағы әріптестері жолдаған Hot Blood Challenge эстафетасын қабылдап, «Сенің күнің, донор!» акциясына қатысты.

Облыстық қан тапсыру орталығында жедел емдеуді қажет ететін, онкогематологиялық ауру түрлерімен күресіп жатқан жандарға, жол апатынан зардап шеккендерге т.б науқастарға көмек болсын деп 35 литрдан астам қан тапсырылды.  

Республикалық акцияны қолдай отырып, Департамент қызметкерлері еліміздегі донорлық мәселесіне қоғам мен билік құрылымдарының көңілін аудармақшы.

Шара соңында Департамент қызметкерлері эстафетаны Батыс Қазақстан облысындағы әріптестеріне жолдап, бей-жай қарамайтын азаматтарды қан тапсыруға шақырды.