Биыл қырық оқушы Италияда демалады

фото с сайта teradot.kz

Маңғыстау облысындағы «АДЖИП Каспиан СИ Б.В.» компаниясының демеушілігімен жетім, ата-анасының қамқорлығынсыз қалған және тұрмысы төмен отбасының балалары Италияның Чезенатико қаласында демалатын болды. Кәрі құрлықта демалу бақытына 40 оқушы ие болып отыр. Бұл туралы облыстық білім басқармасы басшысының міндетін атқарушы Зейнеп Тастемірова мәлімдеді.

Сонымен қатар, облыс бойынша жалпы 30794 оқушы өзге мемлекеттер мен еліміздің басқа қалаларында кенигеруші комания деемушілігі мен ата-аналарының қаржысына демалып қайтпақ. Өткен жылы демеушілер қаржысына демалған бала саны 18568 болатын. Биыл олардың саны айтарлықтай өсіп отыр. Компания қаржысы есебінен ала жазды қызықты өткізетін бала саны Жаңаөзенде көп, мұнда 9800 бала. Келесі сатыда Ақтау қаласы, 9500 ақтаулық оқушы демеуші қаржысына демалады. Бейнеу ауданы – 4000, Маңғыстау ауданы – 1200, Мұнайлы ауданы – 3680, Түпқараған ауданы – 1150, Қарақия ауданы – 1200, облыстық мектептер – 200, облыстық балалар ауылы мен балалар үйі – 64.