Түпқараған ауданында бос жұмыс орындары жәрмеңкесі өтті

Форт-Шевченко қаласында бос жұмыс орындары жәрмеңкесі өтті, деп хабарлайды Қоғамдық коммуникация орталығы аудан әкімдігіне сілтеме жасап.

Бос жұмыс орындар жәрмеңкесіне аудан бойынша 21 мекеме қатысты. Жәрмеңкеде еңбек нарығында білім және әлеуметтік, қорғаныс сала мамандарына сұраныс жоғары болды.

Азаматтардың бос жұмыс орындар туралы хабардар болуына, жұмысқа орналасуына және еңбек нарығындағы мәселелер туралы мәлімет алуы мақсатында өткен жәрмеңкеге 150-ге жуық тұрғын қатысып, 200-ден астам бос жұмыс орындары ұсынылды. Аталған шара ауданның басқа да елді мекендерінде өткізілетін болады.

Айта кетейік, қазіргі таңда ауданда 250-ден астам бос жұмыс орындары бар. Сонымен қоса 2023 жылғы жоспар бойынша әлеуметтік осал топқа жататын 10 тұрғынға 1 380 000 тг (400 АЕК) көлемінде қайтарымсыз грант берілетін болады.