Ақтау гарнизонында теңіз жаяу әскерлерінің жауынгерлік дайындығы жалғасуда

Маңғыстау облысындағы «Оймаша» полигонында артиллерияшылар 122 мм-лік Д-30 зеңбірегінен ату жаттығуларын өткізді, деп хабарлайды Қоғамдық коммуникация орталығы Ақтау гарнизонының баспасөз қызметіне сілтеме жасап.

Теңіз жаяу әскері бригадасының артиллеристері 122 мм-лік Д-30 зеңбірегі арқылы жалған жаудың броньды техникасын жойды. Жаттығулардың негізгі міндеті нысананы тікелей атыспен жою болды.

Сабақ барысында негізгі күш кіші командирлерді ұрыс кезінде қаруды шебер және тиімді пайдалануға және ұрыс қимылдарын жүргізу кезінде атыспен басқаруға үйретуге бағытталды. 122 мм Д-30 зеңбірек - ашық немесе баспаналарда, атыс қаруларында, басқару және бақылау пункттерінде, қару-жарақ пен әскери техникада орналасқан адам күшін жоюға арналған.

- Шартты қарсыласқа соққы беру пысықталды, бөлімшенің жеке құрамы атыс жүргізу кезінде жоғары нәтиже көрсетті. Қорытындысы бойынша әр есеп бағаланып, бағалау көрсеткіштері қойылды, - деп бөлісті бригада командирінің орынбасары, подполковник Берік Елеусізов.