Жаңаөзенде энергетика саласының мамандары марапатталды

Энергетиктер күніне орай Жаңаөзен қаласы әкімінің орынбасары Жансейіт Қайнарбаев сала мамандарымен кездесіп, мерекемен құттықтады, деп хабарлайды Қоғамдық коммуникация орталығы қала әкімдігінің баспасөз қызметіне сілтеме жасап.

Мерекеге орай энергетика саласында көп жылдар бойы қызмет етіп, қаланың өркендеуіне сүбелі үлес қосқан мамандар марапатталды.

-Энергетика – ел экономикасының негізгі салаларының бірі. Сонымен қатар, қазақстандық өнеркәсіпті өрге сүйрейтін де осы сала. Сондықтан, энергетика маңызын айтып жеткізу мүмкін емес. Жұмысына деген өзінің кәсіби және жауапты қарым-қатынасы арқылы энергетика саласының мамандары күн сайын күрделі жұмыс істеп, тұрғындар мен өндірістік кәсіпорындарды энергетикамен сенімді әрі үздіксіз қамтамасыз етіп келеді. Сіздердің жұмысыңыз – шынайы адал еңбек. Қызметтеріңіз ізгілікке толы. Күннің райы мен мерзіміне қарамастан, үнемі халық игілігі үшін жұмыс жасайсыздар. Сіздердей жұмысты іспен дәлелдейтін еңбек адамдарына алғысымыз шексіз, - деді Жансейіт Қайнарбаев.

Салтанатты жиында белсене атсалысып, қоғамды құруға өзінің жеке еңбек үлесін қосқан «Өзенэнергосервис» МКК, «Ақтау Сервис Құрылыс» ЖШС, «Маңғыстау өңірлік электртораптық компаниясы» АҚ мамандары Маңғыстау облысы әкімінің құрмет грамотасы және Жаңаөзен қаласы әкімінің алғыс хаттарымен марапатталды.