«Түбектегі туризм»: Youtobe желісіндегі жастар арнасы Маңғыстаудың киелі жерлерін көрсетеді

«Маңғыстау жастары» арнасында жаңа айдар ашылды. «Түбектегі туризм» айдарында Қазақстанның географиясына енген, туристік әлеуеті бар Маңғыстаудың мәдени-тарихи жерлері көрсетіледі, деп хабарлайды Қоғамдық коммуникация орталығы облыстық жастар ресурстық орталығының баспасөз қызметіне сілтеме жасап.

«Түбектегі туризм» - «Маңғыстау жастары» YouTobe арнасының жаңа айдары. Жоба жетекшісі Еділбек Дүйсеннің айтуынша, бұл айдар өлке тарихынан сыр шертіп, өткен күннің құпиясына терең үңіледі. Көрермендерге аймақтың рухани жерлеріне қызықты экскурсияға баруға көмектеседі. Бұл туристік әлеуеті бар жерлер. Жастар сайтының журналистері тағы да аймақтағы аңызға айналған мекендер жайлы айтуды жалғастыра бермек.

Бүгінде «Түбектегі туризм» айдарының 4 шығарылымы жарық көрді. Атап айтқанда, «Сүлеймен, Шах-Мардан немесе Шақпақ ата», Торыш тастары. «Адамзат құпиядан ғана қорқады», Гобби сопы немесе Сұлтан үпі кім болған?, Кемпіртас.

Айта кетейік, аталған сайт және Youtube арна Маңғыстау облысы жастар саясаты мәселелері жөніндегі басқармасының тапсырысымен, «Азаматтық бастамаларды қолдау орталығы» КеАҚ қолдауымен және «Қолдау орталығы» жекеменшік мекемесінің жүзеге асыруымен жүргізіліп отыр.