Елде жарияланған төтенше жағдайға байланысты шектеулер қойылуда

ҚР Президентінің «Қазақстан Республикасында төтенше жағдай енгізу туралы» Жарлығын жүзеге асыру Нұсқаулығы жарияланды. Бұл туралы ақпаратты ФБ әлеуметтік желісінде Маңғыстау облысының «Қоғамдық коммуникациялар орталығы» жария етті.

Ақпараттың алғашқы бөлігі бұдан бұрын жарияланған.

Аталған құжатта төтенше жағдай енгізілген мерзімде келесідей шаралар атқарылып, уақытша шектеулер қойылсын делінген:

9.Мейрамханалар мен дәмханалардың жұмысы 22:00 сағатқа дейін шектелсін, оларға баратын адамдардың саны 50-ден аспауы тиіс.

10.Медициналық және санитарлық бақылауды күшейте отырып, балабақшалардың қалыпты режимде жұмыс істеуі қамтамасыз етілсін, ата-аналар балаларын бақшаға әкелуі ерікті түрде болсын.

11.Мемлекеттік органдар мен барлық құқық меншігіндегі ұйымдар мүмкіндігінше қызметкерлерін қашықтықтан жұмыс істеу режиміне көшірсін.

12.Көрермендердің қатыстырылуымен өтетін барлық спорттық шаралардың және отбасылық той мен еске алу рәсімдерінің өткізілуіне тыйым салынсын.

13. Сауда орындарында, театрлар, кинотеатрлар, көрмелер, тренажер залдарында және фитнес орталықтарында, түнгі клубтар мен кальян орталықтары сияқты адамдар көп шоғырланатын нысандарда ойын-сауық аймақтарының қызмет істеуіне тыйым салынсын.

14. Мектептен тыс қосымша білім беру нысандары (шығармашылық сарайлары, үйірмелер, секциялар, компьютерлік және аула клубтары) жабылсын.

15. Халыққа түсіндіру жұмыстарын жүргізу әсіресе әлеуметтік желіде күшейтілсін.

Суреттер Маңғыстау облысының «Қоғамдық коммуникациялар орталығынан» алынған