Құтқарушылар «Школьник» орталығындағы жас әріптестерін өз қызметтерімен таныстырды

Маңғыстау облысы ТЖД «Өрт сөндіру және авариялық-құтқару жұмыстары қызметі» Жедел-құтқару жасағының қызметкерлері «Школьник» орталығының «Жас құтқарушы» үйірмесінің балаларына арналған «Ашық есік күнін» өткізді. Үйірме жетекшісі Зайцева Валентина Петровна балаларды кездесуге алып келді.

Іс-шара барысында құтқарушылар балаларға қолда бар жүзу құралдарын, сүңгуір және авариялық-құтқару жабдықтарын көрсетті, оқушыларға құтқарушының жұмысы туралы, судағы жүріс-тұрыс ережелері туралы айтып берді.

«Жыл сайын Қазақстанда мыңға жуық адам суға батып кетеді, бұл қорқынышты көрсеткіш. Көптеген адамдар су бетінде жай ғана тұруды да білмейді, сондықтан өзін сенімді сезіну үшін және қажет болған жағдайда суға батушыға көмек көрсету үшін бала кезінде жүзу техникасын меңгеру өте маңызды»,- деп атап өтті құтқарушылар.

-Балаларға судағы қауіпсіздік ережелерін түсіндіру, зардап шеккендерге көмек көрсету кезіндегі дұрыс іс-әрекеттер туралы жадынамалар мен буклеттер таратылды.

Балалар үшін осы кездесудің ең есте қаларлық оқиғасы – нағыз құтқару кемесіне мініп серуендеу болды. Балалар қаншама қуаныш пен жағымды эмоциялар алды.

Құтқарушылар жас өрт сөндірушілер осы күнді және алған білімдерін мәңгі есте сақтайды деп үміттенеді,- дейді осы жаңалықпен бөліскен Маңғыстау облысы ТЖД «Өрт сөндіру және авариялық-құтқару жұмыстары қызметінің» ішкі және сыртқы коммуникациялар тобы.

Суреттерді түсірген Рукия Сычева