Маңғыстаулық самбошылар республика чемпионатында 4 күміс, 1 қола медальді иеленді

Қыркүйектің 14-17аралығында Батыс Қазақстан облысының Ақсай қаласында 2002-2004 жылы туылған кіші жасөспірім ұл-қыздар арасында самбодан Қазақстан Республикасының чемпионаты өтті.

Аталмыш жарысқа еліміздің Астана, Алматы, Шымкент, Байқоңыр қалаларымен қоса 14 облыстан барлығы 18 команда,10 салмақ бойынша ұлдар, 10салмақ бойынша қыздар, жалпы саны – 640-қа жуық спортшы қатысып өз бақтарын сынады.

Маңғыстау облысынан аталмыш жарысқа 16 спортшы қатысып, оның 5-уі жүлгер атанды.

Атап айтсақ, 1)44 кг салмақта - Айгерім Ретбаева (Маңғыстау ауданы);

 2) 55 кг салмақта - Айбек Сайлаубаев («Жас батыр» с/м);

 3)78 кг-да Олжас Қартбаев (Маңғыстау ауданы);

 4) 84 кг-да Салауат Тоқсановтар («Жас батыр» с/м) күміс медалдарын иеленсе,

 5)46 кг салмақта Нұрсұлтан Жұбатқан («Жас батыр» с/м) кола медальді жеңіп алды.

-Маңғыстаулық самбошылар аталмыш доданы төрт күміс, бір қола медальмен қортындылады.

Жарысқа спортшыларымызды жоғары деңгейде дайындаған облыстық самбо күресінің аға бапкерлері: Берік Жұмағалиев, Жанғали Нұрдаулетов, Ерлан СеріковтергеМаңғыстау облысының спорт басқармасы және облыстық самбо федерациясының атынан алғысымыз шексіз,- дейді «Жас батыр» спорт мектебінің директоры Манарбек Бисекенов.

Суреттерді ұсынған «Жас батыр» спорт мектебінің баспасөз қызметі