Маңғыстау соттары Конституция күнінтойлады

Маңғыстауоблыстық сотында Конституция күніне орай салтанатты жиын өтті. Іс-шараға сот төрағалары, сот жүйесінің ардагерлері, судьялар және сот қызметкерлері қатысты.

Мемлекеттік Әнұранмен басталған жиын облыстық сот төрағасы м.а. Нұрсапа Примашевтың құттықтауымен жалғасты.

- Сот жүйесін жетілдіре түсу жолында жасалып жатқан барлық игі шаралардың басталуы сот реформасының өзекті бағыттарын айқындап берген Ата Заңымыздың арқауында жатыр.

Ата Заңымыз - Конституция тәуелсіздігімізді нығайтып, тұрмысымызды жақсартып, жарқын болашағымызға жағдай жасап, елімізді айдай әлемге танытып отыр, - деген Нұрсапа Примашев  әріптестеріне амандық пен қызметтеріне абырой тіледі.

Сонымен қатар сот жүйесінің ардагерлері өз кезегінде сөз алып, лебіздерін білдірді.

Одан әрі салтанатты жиын марапаттау рәсімімен жалғасып, Нұрсапа Примашев сот төрелігін жүзеге асырудағы еңбектің жоғары сапасын қамтамасыз еткен, лауазымдық міндеттерін үлгілі әрі адал орындаған  судьялар мен сот қызметкерлерін марапаттап, оларға «Алғыс хат» табыстады.

Ұзақ жылдар бойғы жемісті әрі мінсіз қызметі, сот-құқық жүйесін дамытуға қосқан салмақты үлесі үшін Маңғыстау облыстық сотының судьясы Шаншарбек Есбаганбетов, Ақтау қалалық сотының судьясы Марет Ковраева Қазақстан Республикасы Жоғарғы Сотының «Сот жүйесінің ардагері» медалімен марапатталды.

Сонымен қатар, бірқатар қызметкерлер сот жүйесінің үздігі атанып, төсбелгілер тағылды.

Іс-шара соңы сот қызметкерлері дайындаған сахналық қойылыммен жалғасты.

Бұл туралы біздің басылымға Маңғыстау облыстық сотының баспасөз қызметі хабарлады.

Суреттерді түсірген Маңғыстау облыстық сотының баспасөз қызметі