Ізгілік танытты

Өткен аптада Қарақия ауданы Төтенше жағдайлар бөлімінің қызметкерлері «Мектепке жол» қайырымдылық акциясының аясында ізгілік іс-шараны өткізуді қолға алды.

-Акцияның мақсаты - аз қамтылған және көп балалы отбасыларға, жетім балалар мен ата-анасының қамқорлығынсыз қалған балалар қатарындағы оқушыларға жаңа оқу жылына дайындық кезеңінде көмек көрсету.

Осы қайырымдылық акциясы аясында аз қамтылған отбасы Серікқалиевтер жанұсының балаларына материалдық көмек көрсетілді. Балғындарға арнайы мектеп киімдері және канцеляриялық оқу құралдары сыйға тартылды. Ата-анасы мен балалары оқу жылы алдындағы мұндай көмекке өте қуанды, және қызметкерлерге үлкен алғыстарын білдірді. Сондай-ақ, Төтенше жағдайлар бөлімінің қызметкерлері мұндай қайырымдылық акциялары Қарақия ауданы Төтенше жағдайлар бөлімінің алдағы жұмысында да өз жалғасын тауып және бөлім үшін жақсы дәстүр болып қалыптасады деген байламға келді. Акция соңында, мұндай сәтті есте қалдыру үшін балалармен естелік сурет түсірілді, - деп хабарлайды біздің басылымға Қарақия ауданының Төтенше жағдайлар бөлімі.

Суретті түсірген Қарақия ауданы Төтенше жағдайлар бөлімі