Аймақта «Көктем-2018» республикалық командалық-штабтық жаттығуы өтеді

Төтенше жағдайлардың (бұдан әрі - ТЖ) алдын алу және оларды жою сондай-ақ көктемгі кезеңге азаматтық қорғау басқару органдарын, күштер мен құралдарын дайындау бойынша іс-қимылдарға Азаматтық қорғау мемлекеттік жүйесін (бұдан әрі-АҚМЖ) одан әрі жетілдіру мақсатында 2018 жылғы 5-6 наурыз аралығында «Көктем 2018» республикалық командалық-штабтық оқу-жаттығуы (бұдан әрі – оқу-жаттығу) өтеді.

Оқу-жаттығудың тақырыбы: «2018 жылғы көктемгі су тасқыны кезеңі жағдайына төтенше жағдайларды жою кезіндегі іс-қимылдарға АҚМЖ-нің басқару органдарын, күштері мен құралдарын дайындау».

Оқу-жаттығуға дайындалу және оны өткізу барысында:

 1) көктемгі кезеңдегі ТЖ қатері және туындаған кездегі міндеттерді мақсаты бойынша орындауға АҚМЖ-нің аумақтық және салалық кіші жүйелерінің жұмыс істеу режимін арттырылған әзірлік режиміне ауыстыру;

 2) көктемгі кезеңдегі ТЖ-ға ден қоюға АҚМЖ қабылданатын шаралар мен деңгейінің тиімділігін арттыру;

3) ТЖ алдын алу және жою кезінде азаматтық қорғаудың бағынысты күштері мен құралдарын басқару бойынша орталық және жергілікті атқарушы органдарының үйлескен іс-қимылы және өзара іс-қимыл жасауын жетілдіру;

4) құлақтандыру және байланыс жүйелерінің әзірлігін тексеру, АҚМЖ барлық деңгейлерінде жедел кезекшілікті, болжау жұмысы мен диспетчерлік қызметті, мониторинг жүргізуді ұйымдастыру, материалдық-техникалық қор, азық-түлік пен медициналық резервтер құру;

 5) су тасқыны жағдайының өршуін болжауды ескере отырып,  аумақтардың қауіпсіздік паспорттарына, ТЖ жою бойынша іс-қимыл жоспарларына, эвакуациялау мен өзара іс-қимыл жасау іс-шараларына нақтылау және түзетуді жүргізу;

6) ТЖ-ның алдын алу және оларды жою жөніндегі комиссияның, су тасқынына қарсы және эвакуациялау комиссияларының, азаматтық қорғау қызметтері мен құралымдары жедел штабтарының жұмысын ұйымдастыру;

7) су тасқыны, су басулар мен су жайылулар шарттарындағы іс-қимылдарға түсіндіру жұмыстарын және халықты оқытуды ұйымдастыру.

Маңғыстау облысының Төтенше жағдайлар Департаментінің баспасөз қызметі

Суретті түсірген Маңғыстау облысының Төтенше жағдайлар Департаментінің баспасөз қызметі