Маңғыстау өрт сөндірушілері қол күресінен күш сынасты

Маңғыстау облысының өрт сөндірушілері арасында жуырда қол күресінен облыстық деңгейдегі жарыс өткізілді.

-Өрт сөндірушілер өз қызметінде оттан да судан да өтеді. Әрбір құтқарушының басты мақсаты - өзін күнделікті түрде жақсы физикалық формада қалыпты ұстау, ал жарыстар – шыдамдылықты арттырудың үздік әдісі, - деп атап өтті Маңғыстау облысы ТЖД Өрт сөндіру және авариялық-құтқару жұмыстары қызметінің бастығы азаматтық қорғау майоры Ерлан Мауленов.

Қол күресі бойынша біріншілікке Маңғыстаудың өрт сөндіру қызметінің нағыз мықты сарбаздары жиналды. Облыс аумағында орналасқан барлық бөлімшелер өз өкілдерін аталған сайысқа жолдады.

Жарыс 3 салмақты категория бойынша өткізілді: 75 кг дейін, 85 кг дейін және 85 кг жоғары.

75 кг дейінгі категорияда бірінші орынды Бақтыбай Сулейманов, екінші орынды – Роман Лостовецкий, үшінші орынды – Мақсат Умербаев иеленді.

85 кг дейінгі категорияда мықты атанған Сәндібек Абдуллаев болды, екінші нәтиже - Самат Исламовта, ал үшіншісі – Ерлан Дарқанбаевқа бұйырды.

85 кг-нан жоғары категориясында жеңімпаз болып Нурсет Турланбаев танылды, екінші орынға - Нұржан Боранбаев көтерілді, Аман Ахаев - ІІІ орынды қанағат тұтты.

Барлық жүлдегерлер грамоталармен және медальдармен марапатталд,- хабарлайды бұл туралы жағымды жаңалықпен бөліскен Маңғыстау облысы ТЖ департаменті Өрт сөндіру және авариялық-құтқару жұмыстары қызметінің мемлекеттік тіл және ақпарат тобы.