Бүлдіршіндерді суға шомылу ережелеріне үйретті

Суға шомылу кезеңінде  су айдындарындағы қауіпсіздікті қамтамасыз ету  және адамдардың қаза болуына, соның ішінде суда балалардың қаза болуы жағдайларына жол бермеу мақсатында судағы қауіпсіздік профилактикалық іс шаралары аймақта үздіксіз жүргізілуде. Балалардың қаза болуының негізгі себебі, ТЖ саласы мамандарының айтуынша, ата-ананың немесе үлкендердің қарауынсыз су  айдындары маңында болуы және су айдындарының жабдықталмаған жерлерінде шомылу болып табылады.

Жуырда Қарақия ауданының Төтенше жағдайлар бөлімі, Құрық жедел құтқару жасағымен бірлесе отырып, ауданның «Құлыншақ» балабақшасындағы бүлдіршіндеріне жазғы суға шомылу маусымында балалардың арасында шомылу кезінде жазатайым оқиғаларды болдырмау мақсатында арнайы сақтандыру шарасын ұйымдастырды.

-Құтқарушылар балақайларға судағы қауіпсіздік ережелері, сақтық және бастапқы іс-әрекеттер туралы түсіндірді. Сондай-ақ балабақшаның хауызына балаларды түсіріп,  суда жүзу тәсілдерін тәжірибе жүзінде көрсетті.

Сонымен қатар іс-шараның барысында балғындар үшін суда құтқару техникалары және құрал жабдықтары туралы  көрініс ұйымдастырылды.  Аталған іс-шара суға шомылу маусымында жыл сайын өткізілуде және осындай шараладың негізінде өсіп келе жатқан балаларымыздың қауіпсіздік мәдениеті қалыптасуына әсер етеді.  

Жоғарда аталған  іс-шараның жалғасын шілде айында «Судағы қауіпсіздік» тақырыбы бойынша апталық акциясы барысында мектеп жанында ашылған жызғы сауықтыру лагері және Маңғыстау облыстық санаторлық мектеп-интернатындағы жазғы демалысын өткізіп жатқан балаларға теңіз жағажайында  ұйымдастырылу көзделіп отыр,- деп мәлімдеді Қарақия ауданының Төтенше жағдайлар бөлімінің бастығы азаматтық қорғау майоры   Қ.Бесимбаев