«Қоғам – сенің қорғаның» жобасы аясында аймақта 129 мүгедек жан жұмысқа орналасты

Маңғыстау облыстық прокуратурасымен аймақта мүмкіндігі шектеулі тұлғалардың құқықтары мен мүдделерін қорғауға бағытталған «Қоғам – сенің қорғаның» жобасы жүзеге асырылуда.

-Жобаны жүзеге асыру аясында облыстық әкімдік пен прокуратура арасында өзара іс-қимыл және ынтымақтастық туралы меморандум жасақталды.

Бүгінгі таңда 129 мүгедек жұмысқа орналасты, 950 мүгедек азаматтарға есептелген мүлік және көлік салықтары бойынша қарыздары анықталып, жойылды.

Ақтау қаласындағы 20 әлеуметтік маңызды нысандарда мүгедектердің көліктері үшін арнайы орындар белгіленді, арнайы жол белгілері орнатылды, 47 жаяу жүргіншілер өткелі ыңғайландырылып, «Кендірлі» демалыс аймағындағы теңізге кресло-арбамен еркін баруға мүмкіндік жасалды, -деп хабарлайды Маңғыстау облысы прокуратурасының баспасөз қызметі.