Ақтауда мемлекеттік қызметкерлер арасындағы спартакиадада өрт сөндірушілер бірінші орынды иеленді

Облыс орталығында 23 маусым мемлекеттік қызметкерлер күні мерекесіне орай мемлекеттік қызметшілер арасында аймақтың оннан астам мемлекеттік мекемелері мен ұйымдары қатысқан IV Ақтау қалалық Спартакиадасы өтті.

Бұл шара Ақтау қалалық әкімдігінің және Облыстық дене шынықтыру және спорт басқармасының қолдауымен ұйымдастырылды.

Мемлекеттік қызметкерлердің спорттық сайыс орны жаңа «Маңғыстау-Арена» спорттық кешені болды.

Жарыс спорттың сегіз түрінен өткізілді: дойбы, шахмат, жүзу, шағын-футбол, қол күресі, гір спорты, ерлер мен әйелдер волейболы және үстел теннисі.

Жарыстың мақсаты - мемлекеттік қызметкерлер арасында салауатты өмір салтын насихаттау және қоғамда мемлекеттік органдары туралы жағымды пікір, оң көзқарас пен органдардың беделін қалыптастыру болды.

Жарыста жалпы сынақта 180 ұпай жинап, бірінші жүлделі орынды иеленіп, үздік атанған Маңғыстау облысы ТЖД «Өрт сөндіру және авариялық-құтқару жұмыстары қызметінің» спортшылары болды, екінші орынға Маңғыстау ауданының әкімдігі көтерілсе, ал үшінші орынға Қарақия ауданының әкімдігінің командасы ие болды.

Барлық жеңімпаздар кубокпен, медальдармен және қаржылай сыйлықтармен марапатталды.

Бұл жаңалықты біздің басылым сайтына Маңғыстау облысы ТЖ департаменті Өрт сөндіру және авариялық-құтқару жұмыстары қызметінің мемлекеттік тіл және ақпарат тобы хабарлады.