Маңғыстау өрт сөндірушілері шағын футбол алаңында кездесті

«Каспий» спорттық кешенінде Қазақстан полициясының құрылғанына 25 жыл толуын мерекелеуге арналған шаралар аясында Маңғыстау облысының өрт сөндіру бөлімшелері арасында шағын футболдан облыстық жарыс өткізілді.

Турнирге Өрт сөндіру және авариялық-құтқару жұмыстары қызметінің 14 командасы, Маңғыстау облысы ТЖД Жедел құтқару жасағы (ЖҚЖ) командасы және бір «Өрт сөндіруші» АҚФ командасы қатысты.

-Кездесудің негізгі мақсаты - азаматтық қорғау қызметкерлері мен жұмысшыларын сауықтыруға және дене шынықтыру дайындығы деңгейін арттыруға ынталандыру, сондай-ақ кәсіби және спорттық шеберлікті шыңдау.

Тартысты күрес нәтижесі бойынша бірінші орынды Жаңаөзен қаласы 13-МӨСБ командасы, екінші орынды Ақтау қаласы 2-МӨСБ және үшінші орынды «ЖҚЖ» ММ командасы иеленді.

Жарыстың барлық қатысушылары тартысты өткен ойында денсаулыққа серік болар күш, жігер және энергия қуаттарын бойларына сіңірді. Командалар кубок және дипломдармен марапатталды.

Жарыста ерекшеленген ойыншылар үздік шабуылшы, үздік қақпашы, үздік қорғаушы грамоталарын иеленд,- деп хабарлайды Маңғыстау облысы ТЖ департаменті Өрт сөндіру және авариялық-құтқару жұмыстары қызметінің мемлекеттік тіл және ақпарат тобы.