Аса ірі көлемде есірткі тасымалдағандар ұсталды

Ақтауда аса ірі көлемде есірткі тасымалдаған Жамбыл облысының үш азаматы ұсталды. Олар есірткіні оңтүстіктен жүк көлігімен жеткізген. Жүк көлігіне көкөніс тиеп, оның астына 400 келіге жуық марихуана мен 6 келі 800 грамм гашишті жасырған. Күдіктілер көліктегі көкністерді сатып тұрған кезде қолға тсүті. Полицейлер тінту барысында 14 қап марихуана мен 3 қапшық гашиш тәркіледі. Ұсталғандар кінәсін толық мойындап отыр. Қазір оларыдң үстінен қылмыстық іс қозғап, тергеу амалдары жүргізіліп жатыр. Егер қылмыстары толық дәлелденсе Қазақстан Республикасы қылмыстық кодексінің 297 бабының 3-ші бөлігінде көрсетілгендей 10-15 жылға дейін бас бостандықтарынан айырылуы мүмкін.