Төтеншеліктер «Қауіпсіз балалық шақ!» акциясын өткізді

Ақтау қаласы Төтенше жағдайлар басқармасының қызметкерлері білім ошақтарында «Қауіпсіз балалық шақ!» тақырыбында акция жүргізді.

Іс шара Ақтау қаласы, 9 шағын ауданда орналасқан «№11 мамандандырылған физика- математика мектебі» КММ-нің тәрбие ісі жөніндегі орынбасары Утепбергенова Светлана Аскаровнаның ұйымдастыруымен 5-ші сынып оқушылары арасында өтті.

Жиын барысында балаларға өрт қауіпсіздігі туралы ақпараттар беріліп, Төтенше жағдай орын алғанда ең алдымен не істеу керек? Кімді көмекке шақыру керек? Оттан өзімізді қалай алып шығамыз? - деген сұрақтар төңірегінде кеңінен сұхбат жүргізілді.

Балаларға бейне материалдар және видеороликтер көрсетіліп, өрт қауіпсіздігінің алдын алу туралы жадынамалар таратылды.

Жиынға жалпы саны 100-ге жуық оқушылар мен ұстаздар қатысты.

Сонымен қатар, «Қауіпсіз балалық шақ!» акциясы Ақтау қаласы, 33 шағын ауданда орналасқан «№17«Мәншүк» балабақшасы»КММ-де жалғасын тапты.

Мұнда бүлдіршіндер Ақтау қаласының ТЖБ қызметкерлеріне акцияға арнайы дайындаған өлең шумақтарын айтып берді. Ақтау қаласы Төтенше жағдайлар басқармасының тәлімгерлері де балаларға арнап дайындаған қызықты бейне материалдарын түсіндіріп берді.

Бейне материалдардың мазмұны өрт қауіпсіздігі қызметіндегі - алғашқы өрт сөндіру құралдары, өрт сөндіру автокөліктері және өрт сөндірушінің қызметтік киімдері туралы болды.

-«Қауіпсіз балалық шақ!» акциясы кішкентай бүлдіршіндер қандай да бір төтенше жағдай орын алғанда алғашқы іс әрекеттерді біліп жүрсін деген мақсатта жүргізілді, - дейді шараны ұйымдастырушы Ақтау қаласы Төтенше жағдайлар басқармасының қызметкерлері.